Ermal Mamaqi e ka thënë edhe më parë se shumë shpejt do të kishte dëshirë të bëhej baba dhe mesa duket ky është momenti, pasi ëndrra është bërë realitet. Këto ditë është komentuar lart e poshtë nëpër faqe të ndryshme interneti lajmi se çifti i mirënjohur televiziv do të bëhen prindër.

Për momentin, veç drejtimit të agjencisë “Ami Events”, Amarda Toska nuk është e angazhuar në televizion, ndërkohë që bashkëshortin e saj, aktorin e njohur të humorit Ermal Mamaqi, e shohim çdo fundjavë në “Sketch Show”, spektakli që transmetohet në Vizion Plus.

Veç kësaj, ai fitoi edhe çmimin “Best Dance” në festivalin “Kënga Magjike 2011”, me këngën “Vetëm beso”.

Fansat janë bërë shpejt kuriozë mbi gjininë e foshnjës që do të vijë në jetë, por për momentin kjo është e pamundur të thuhet, pasi është bërë me dije se edhe ata vetë sapo e kanë mësuar lajmin e ëmbël.