Një biznesmene britanike u shndërrua të premten në deputen e re të Parlamentit Europian dhe në të parën në histori që fiton mandatin pa marrë asnjë votë të vetme.

Pas modifikimeve në Traktatin e Lisbonës, u vendos që si rrjedhojë e rritjes demografike në Europë, të shtohen 18 vende më shumë në parlament dhe njëri prej tyre do t’i takonte Anglisë.

Autoritetet vendosën që mandatin t’ia dorëzojnë të parës që mbeti jashtë listës së rajonit të “West Midlands”, për të siguruar në Parlament një përfaqësim sa më të mirë nga të gjitha krahinat e Britanisë.

Një biznesmene e partisë konservatore, Anthea McIntyre është ajo që fitoi detyrën prej 84 500 stërlinash në vit, plus bonuse dhe dieta të kushtueshme. Ajo do të kryejë debutimin e saj në Bruksel javën e ardhshme.