Vendet anëtare të Bashkimit Evropian sot zyrtarisht e nominuan Zhoze Manuel Baroson për mandat të dytë pesëvjeçar si kryetar i Komisionit Evropian, deklaruan përfaqësuesit diplomatik.

Ky hap e bën zyrtar marrëveshjen politike të arritur në Këshillin Evropian më 18 dhe 19 qershor, dhe i siguron përkrahje ish-kryeministrit portugez se do të përkrahet nga liderët evropian që ta marrë miratimin edhe të Parlamentit Evropian, ku deri më tani haste në kundërshtim.