Fondi Monetar Ndërkombëtar (FMN) vlerësoi se ekonomia botërore po fillon të del nga recesioni, por paralajmëroi se rimëkëmbja do të jetë e pabarabartë dhe e ngadalësuar.

Të dhënat që i publikoi ekonomisti kryesor i FMN-së Olivie Blanshar janë për disa nuanca më optimiste në krahasim me raportin e kaluar të rregullt të Fondit i cili u shpall në prill.

"Vlerësimi ynë për sivjet është se BPV-ja globale do të bie për 1.4 për qind, ndërsa në vitin vijues presim rritje prej 2.5 për qind", tha Blanshar.

Parashikimi megjithatë nuk është i barabartë për të gjithë. Sipas FMN-së më së shpejti do të rimëkëmben vendet në zhvillim, para se gjithash Kina dhe India, ndërsa më ngadalë do të rimëkëmbet bota e zhvilluar - SHBA-të, Japonia dhe Evropa Perëndimore.

Shkak për brengosje është pritja se papunësia do të vazhdojë të rritet edhe gjatë vitit të ardhshëm