Elisabetta Canalis-it nuk po i ecin aspak mirë punët në planin e dashurisë, sepse vetëm një muaj pasi ishte lidhur me Mehcad Brooks, ajo ka vendosur të ndahej prej tij.

Pas ndarjes nga bukuroshi i Hollivudit George Clooney, bukuroshja italiane e kishte gjetur ngushëllimin në aktorin e serisë "True Blood". Mirëpo, pas një zënke të ashpër, në të cilën ishin të pranishëm një numër i madh i njerëzve, Elisabetta sërish është e vetme.

“I bërtisnin njëri-tjetrit në korridorin e një hoteli dhe pastaj Elisabetta e ka shtyrë dhe ka ikur në dhomën e saj”, ka rrëfyer një burim.

Ajo shpejt kishte zbritur poshtë dhe i kishte thënë recepsionistit që ‘t’i thotë atij m... që t’i marrë plaçkat e tij dhe të zhduket’.