Marrëveshje për partneritet me qëllim të thellimit të bashkëpunimit vendosën sot Lidhja e Odave Ekonomike (LOE) dhe Prokredit Banka.

Qëllimi i kësaj marrëveshje të ndërsjellë është përforcimi i mbështetjes ndaj bashkësisë afariste përmes organizimit të aktiviteteve të përbashkëta të cilat në fokusin e tyre do t`i kenë sipërmarrjet.

Bashkëpunimi duhet të orientohet drejt prezantimit të shërbimeve dhe mundësive të Prokredit Bankës për financimin e ekonomisë, takime afariste me sipërmarrjet anëtare të Lidhjes së Odave Ekonomike, si dhe organizim të punëtorive për kontabilistë dhe menaxherë financiarë të sipërmarrjeve të vogla dhe të mesme.

"Thuajse mbi 80 për qind e portofolit kreditor të Prokredit Bankës e paraqesin kreditë afariste. Duke marrë parasysh misionin tonë dhe misionin e Lidhjes së Odave Ekonomike, raporti partner ishte tërësisht logjik", theksoi drejtori i përgjithshëm i Prokredit Bankës, Jovanka Joleska Popovska.

Drejtori ekzekutiv i LOE-së Vlladimir Matevski shprehu kënaqësi me thellimin e bashkëpunimit me Prokredit Bankën për mbështetje të sipërmarrjeve të vogla dhe të mesme, që është me rëndësi të madhe në kushte të sotme të ekonomizimit.