Kryeministri Gruevski në Bruksel do të takohet me Van Rompuj dhe me politikanë dhe ekonomistë belgë

Kryetari i Qeverisë së Republikës së Maqedonisë, Nikolla Gruevski në kuadër të vizitës njëditore të Mbretërisë së Belgjikës, sot në Bruksel do të ketë tet-a-tet takim me kryetarin e Bashkimit Evropian, Herman van Rompuj.

Kryeministri i Maqedonisë dhe anëtarët e delegacionit qeveritar të cilët e shoqërojnë, në Bruksel do të takohen edhe me përfaqësues zyrtarë belgë, si dhe me përfaqësues të odave ekonomike të Belgjikës.

Gruevski, bashkë me zëvendës-kryetarin e Qeverisë të Obliguar për Çështje Ekonomike Vlladimir Peshevski, ministrin për tërheqjen e investimeve të huaja Vele Samak dhe drejtorin e Drejtorisë së Zonave zhvillimore teknologjiko-industriale Viktor Mizo, do të marrë pjesë dhe do të mbajë fjalim në biznes forumin e Maqedonisë dhe Belgjikës, i cili organizohet me Agjencinë valonase për tregti dhe investime.

Delegacioni qeveritar para përfaqësuesve të më shumë se dhjetëra kompanive belge do t'i prezantojnë volitshmëritë të cilat i ofron Maqedonia për hapjen dhe zhvillimin e biznesit, të dhënat makroekonomike për lëvizjet ekonomike vijuese në vend, si dhe sferat ku mund të pritet thellim i bashkëpunimit ekonomik dhe tregtar midis ekonomistëve të Maqedonisë dhe Belgjikës.

Sipas të dhënave statistikore ekonomike, në periudhën prej vitit 2006 deri në vitin 2010, Mbretëria e Belgjikës ndodhet në grupin e 25 vendeve të para me të cilat Republika e Maqedonisë realizon vëllim më të madh të këmbimit ( në vitin 2007 e zuri vendin e 12-të, në vitin 2008 është në vendin e 16-të, në 2009 në vendin e 21-të, në 2010 në të 21-in dhe në 9-të muajt e kaluara të vitit 2011 në pozitën e 23-të.).

Maqedonia ka suficit në këmbimin tregtar gjatë viteve të fundit, ndërsa nga fillimi i vitit ai është 13,8 për qind.

Deri në shtator të këtij viti, qarkullimi i përgjithshëm i këmbimit tregtar midis dy vendeve është 74,6 milionë dollarë, ose 0,8 për qind të këmbimit të përgjithshëm të Maqedonisë me botën.

Sot pasdite, kryeministri i Maqedonisë pritet të ketë takim edhe me Kirs Peters, kryetarin e Qeverisë së Flandrisë.

Kryetari i Qeverisë së Maqedonisë nga Brukseli largohet për në Marsej të Francës ku do të marrë pjesë dhe do të mbajë fjalim në Kongresin e 20-të të Partisë Evropiane popullore (EPP). Në Marsej, Gruevski do të marrë pjesë në takimin e shefave të shteteve dhe qeverive të cilët vijnë nga partitë-anëtare të EPP-së.

Nga Franca kryeministri shkon për në Hagë ku do të takohet me kryetarin e VNO NCW, Konferencë e punëdhënësve të Holandës dhe me përfaqësues të disa kompanive më të mëdha. Ditën e ardhshme kryeministri do të marrë pjesë në Biznes-forumin e Maqedonisë dhe Holandës.