Boksieri kosovar i kategorisë "cruiser", Elvir Muriqi të shtunën mbrëma në Michigan të SHBA-së do të përballet me amerikanin Rubin Williams.

Dueli është paraparë të zhvillohet në tetë raunde.

Për Muriqin 32-vjeçar kjo është lufta e parë pas më shumë se një viti pauzë.

Muriqi në boksin profesionist ka 38 fitore (23 KO) e pesë humbje. Kundërshtari i tij Williams, 35-vjeçar, ka bilanc prej 29 fitoreve (16 KO), 16 humbje e një barazim.

Në parameç të luftës së Muriqit do të boksojë boksieri tjetër shqiptar, Stivens Bujaj. Bujaj, 21-vjeçar, që po ashtu lufton në kategorinë "cruiser", do të kryqëzojë dorëzat në gjashtë raunde me kanadezin Frank White. Bujaj ka fituar pesë meçet e tij të zhvilluara deri më tash në boksin profesionist.