Maqedonia në gjashtë vitet ardhshme do të duhet të investojë 60 milion euro në lidhjen interkonektuese me 400 kilovat largpërçues me Serbinë, Shqipërinë dhe Kosovën si dhe në trafostacionin e ri 400/110 kilovat në Ohër të cilat janë me peshë pan-evropiane. Asociacioni evropian i sistem-operatorëve transmetues (ENTSO-E) parashikon deri në vitin 2020 në vendet e Evropës Juglindore të ndërtohen 10.400 kilometra largpërçues të rinj interkonektues, të integruara në 21 projekte, investime të vlerësuara në 4 miliardë euro. Në ato hyjnë edhe tre lidhje interkonektuese që duhet të bëhen në Maqedoni, si dhe trafostacioni i ri.

Kjo është potencuar në Takimin e sistem operatorëve transmetues nga Evropa Juglindore që sot mbahet në Zagreb nën patronazhin e Asociacionit evropian të sistem operatorëve transmetues (ENTSO - E), në të cilën prezantohet lista e projekteve prioritare, të cilat do të ndërtohen në 13 vende të EJL-së deri në vitin 2020, të përpunuar në bazë të metodologjisë për llogari të kapaciteteve transmetuese nga profesionistë të Sistemit elektrotransmetues të Maqedonisë (MEPSO) nën patronazhin e ENTSO-E.

Rezultatet, përfaqësuesit e MEPSO sot i prezantuan para përfaqësueseve të pranishëm të sistem operatorëve transmetues nga Shqipëria, Sllovenia, Kroacia, Hungaria, Rumania, Bullgaria, Greqia, Italia, Mali i Zi, Bosnja e Hercegovina, Serbia dhe Qiproja.

MEPSO si anëtare e plotëfuqishme e ENTSO-E në prill të këtij vitit ështe zgjedhur të përpilojë metodologji në bazë të cilës do të bëj llogaritjen e kapacitete të rrjetit përçues të vendeve nga EJL. Në bazë të rezultateve të fituara është bërë listë nga lidhjet prioritare largpërçuese, të miratuar nga ENTSO-E për rajonin e Evropës Juglindore. Të gjitha këto 21 projektet janë pjesë e planit investues 10 vjeçar për zhvillimin e rrjetiti për transmetues pan-evropian. Përfaqësuesit e MEPSO për pesë muaj me sukses e përfunduan procesin i cili përfshin: përpilimin e metodologjisë, llogaritjet e kapacitetit transmetues dhe marrjen e rezultateve për modelet për bruto kapacitetet transmetuese të rrjetit transmetues të shteteve nga Evropa Juglindore. Modelet janë bërë në bazë të projektimeve për rritjen e nevojave për prodhimin dhe konsumimin e energjisë elektrike në rajonin e Evropës Juglindore.