Një person është lënduar gjatë një shpërthimi të një mjeti të panjohur të vendosur në automjetin për udhëtim në lagjen e Shkupit, Aerodrom.

Shpërthimi ka ndodhur në orën 13 e 50 minuta në bulevardin "AVNOJ" në afërsi të sallës sportive "Jane Sandaski", ndërsa mjeti shpërthyes ka qenë i vendosur në automjetin e llojit "Seat Leon", me targa të Shkupit.

I lënduari D.S është transferuar në Spitalin e qytetit ku është mbajtur për mjekim.

Policia kryen hetim në vendngjarje dhe punon në konfirmimin e motiveve.