Ministri i Arsimit dhe Shkencës Pançe Kralev deklaroi se gjashtëdhjetë punësimet e reja të cilat dalin nga Marrëveshja e Ohrit do të sistemohen në të gjitha institucionet-njësitë e Ministrisë së Arsimit dhe Shkencës.

"Këto janë Inspektorati shtetëror i arsimit, Byroja për zhvillimin e arsimit, Qendra për arsim të mesëm profesional, Drejtoria për zhvillim dhe përparim të arsimit të komuniteteve në RM.

Punësimi i këtyre njerëzve do të përshtatet në sistematizimin në secilën nga këto njësi" tha Kralev, duke iu përgjigjur pyetjes së gazetarëve gjatë vizitës së shkollës së mesme "Lazar Tanev".