Ka ndërruar jetë në moshën 75-vjeçare ish-presidenti i Çekisë Vaclav Havel. Lajmi bëhet i ditur nga mediat çeke të cilat theksojnë se ish-presidenti Havel ishte operuar vite më parë nga tumori në mushkëri.

Ish-presidenti çek njihet si mbështetës i madh i pavarësisë së Kosovës dhe si një nga figurat botërore që bëri thirrje për ndaljen e dhunës së regjimit serb në Kosovë në fund të viteve 90.

Për kontributin e tij për Kosovën, Havel është nderuar me “Medaljen e Artë për Paqe, Demokraci dhe Humanizëm - Dr. Ibrahim Rugova” si dhe ka ofruar mbështetjen e tij për proceset integruese të Kosovës.