Qeveria të formojë fond nacional garantues si mbështetje të kompanive vendore gjatë aplikimit për mjete nga fondet evropiane, ndërsa Banka e Maqedonisë për mbështetje të zhvillimit të fillojë negociata me Fondin investues evropian për tërheqjen e Instrumenteve financiare të BE-së, kërkon biznes sektori.

Siç u tha në konferencën e sotme për shtyp në Odën ekonomike, nga Programi për konkurrencë dhe inovativitet (CIP) 2007 - 2013, që peshon 3,6 miliardë euro, Maqedonia pothuajse aspak nuk tërheq para. Këtë vit, për herë të parë, në suaza të programit EKo inovacione kanë konkurruar pesë ndërmarrje dhe ajo e rangoi vendin diku në mesin e listës, ndërmjet Rumanisë, Polonisë, Turqisë, Hungarisë. Italia dhe Spanja kryesojnë me më së shumti, 40 projekte të parashtruara.

"Informimi i pamjaftueshëm dhe mungesa e mjeteve financiare janë arsyet kyçe për shkak të të cilave kompanitë nuk janë fare apo dobët të interesuara për mjetet evropiane. Fondet janë këtu, por është i omosdoshëm një qasje e organizuar, si dhe mbështetja nga institucionet", theksoi Jadranka Arizanovska nga Oda ekonomike, duke i vlerësuar si sukses pesë aplikacionet e parashtruara.

BE-ja tashmë e përgatiti Programin për konkurrencë dhe inovativitet 2014 - 2020 i cili në vend të CIP, si deri më tash, do të quhet COSME sepse fokusi është vënë në zhvillimin e ndërmarrjeve të vogla dhe të mesme. Shuma e paraparë është më e vogël në krahasim me perriudhën 2007 - 2013 dhe paraqet gjithsej 2,5 miliardë euro. Prej tyre, 1,4 miliardë do të jenë për instrumente financiare të cilat, theksoi Arizanovska, do të kenë prioritet.

"Vitin e ardhshëm kompanitp nga Maqedonia do të mund të parashtrojnë kërkesa edhe në bazë të Programit për energji inteligjente të vvlefshme gjithsejt 730 milionë euro, e cila është pjesë e CIP-it. Afati fillon më së voni deri 15 janar, ndërsa përfundon nga mesi i majit. Në dispozicion është edhe "Elena" - instrument energjetik lokal evropian për ndihmë zhvillimit lokal në pjesën e efikasitetit energjetik", informon Arizanovska.

BE-ja vlerëson se përgatitja e projekteve kualitative zgjatë rreth pesë muaj, por praktika tek ne tregon se procesi është më i komplikuar dhe kërkon më tepër kohë.