Kazakistani i ka kërkuar Organizatës së Kombeve të Bashkuara që të hetojë në lidhje me përleshjet e përgjakshme të javës së kaluar ndërmjet forcave të sigurisë dhe protestuesve.

Prokurorët kanë deklaruar se 15 persona janë vrarë në qytetin Zhanaozen të premten e kaluar ndërsa një ditë më vonë, nga një shpërthim në një fshat tjetër, u vra edhe një person tjetër.

Kërkesa për Organizatën e Kombeve të Bashkuara erdhi gjatë një takimi të mbajtur sot ndërmjet prokurorit të përgjithshëm të Kazakistanit, Askat Daulbaev me të dërguarin e OKB-së për të drejta të njeriut në Azinë Qendrore, Armen Narutjunjan.

Nga ana tjetër, presidenti i vendit, Nursulltan Nazarbaev fajësoi huliganët për dhunën dhe shpalli gjendje emergjente në Zhanaozen.