Kryetari i Kuvendit të Kosovës, Jakup Krasniqi po e përmbyll këtë vit pa qëndrim nëse do të jetë kandidat i PDK- së për President të Kosovës.

Edhe pse vazhdimisht ka shfaqur ambicie për të udhëhequr Kosovën, Krasniqi ka deklaruar se po i pret ndryshimet kushtetuese për të dalë me një qëndrim. Ai megjithatë ka thënë se vendimin final për këtë do ta marrë pas diskutimeve që do të bëhen brenda partisë.

“Po i pres ndryshimet kushtetuese, e pastaj vendos nëse do të jem kandidat për President”, ka thënë Krasniqi për Express.

Kryetari i Kuvendit, Jakup Krasniqi, duke i komentuar masat e reciprocitetit me Serbinë, ka thënë se qeveria “në masë të mirë” po e zbaton mocionin e Vetëvendosjes.