Shanset e Chelseat për të fituar titullin e Premier Ligës kanë marrë një goditje të madhe pas barazimit 1-1 ndaj Fulhamit, thotë Andre Villas-Boas.

“Nuk është ndonjë dramë e madhe në aspekt të asaj se si ne i shohim gjërat. Por ju duhet të jeni sa më shumë real. Dallimi në mes nesh dhe kreut të tabelës do të jetë i madh”.

“Me Cityn dhe United që vazhdojnë të nxjerrin pikë për momentin, do të jetë vështirë. Kjo është perspektiva që kemi për momentin: është vështirë. Nuk është e pamundshme. Nuk mund ta thoni këtë”.

“Por ne duhet të fokusohemi në pozitën tonë për momentin dhe të bëjmë një vlerësim real. Ndoshta Premier Liga ka mbaruar për ne për momentin. Duhet të jeni real. Nuk mund të jetoni nën pritje të gabuara kur diferenca është aq e madhe”, ka thënë portugezi.