Mbi 80 kg hashash u bllokuan në territorin grek, 5 km në brendësi të tij, ndërsa dy shqiptarë u ndaluan, njoftoi të enjten Policia e Kufitare e Gjirokastrës, duke cituar atë të Janinës.

Nga burimet zyrtare të Policisë mësohet se lënda narkotike u gjet e fshehur në një automjet me targa greke, i cili rezultoi të ishte vjedhur një javë më parë, ndërsa dy shqiptarët, përkatësisht 28 dhe 29 vjeç u ndaluan nga Policia e vendit fqinj.

Policia tha se origjina e lëndës narkotike mendohet të jetë Shqipëria. Në momentin e ndalimit, bashkë me lëndën narkotike, dy të rinjëve iu gjet edhe një sasi e konsiderueshme parash, ndërsa ndaj tyre ka nisur procedimi penal nga policia greke.