Motoristët në Maqedoni në vitin 2012 do të mund të importojnë motoçikleta të prodhuara në Shtetet e Bashkuara të Amerikës (SHBA) dhe sipas standardeve amerikane.

Këtë e mundëson Rregullorja për aprovim të njësive të motoçikletave të prodhuara për dhe nga tregu i SHBA-së që Qeveria e aprovoi me kërkesë të Ministrisë së Ekonomisë.

"Deri te Ministria e Ekonomisë kanë mbërritur 1.010 kërkesa nga motoristët për mundësim të importimit të motoçikletave nga SHBA-ja. I shikuam të gjitha kërkesat dhe vendosëm të shkojmë me informatë deri te Qeveria. Qeveria e aprovoi Rregulloren kështu që veçmas nga viti 2012 do të mund të importohen motorë më cilësorë, më të sigurt dhe më të mirë nga SHBA-ja", deklaroi ministri i Ekonomisë së Maqedonisë, Valon Saraçini pas takimit moto fansat në Ministrinë e Ekonomisë.

Nga aspekti ekonomik, theksoi, kjo do të thotë të importojmë motoçikleta më të lira, ndërsa nga aspekti i sigurisë do të voziten motoçikleta më të reja dhe më të sigurta, të prodhuara në vitin 2002,2003...

"Inicimi i moto-vozitjes më vend të auto-vozitjes do të thotë edhe përmirësim i mjedisit jetësor, ndërsa njëherësh do të zhvillohet edhe moto-turizmi në Maqedoni", tha Saraçini.

Ai theksoi se në rajon ekzistojnë rregullore për importimin e motoçikletave të këtilla.

"Me lejen për importim të motoçikletave nga SHBA-ja është lejuar një prej tre kërkesave tona. Mbetet të zgjidhen kërkesat tona për ulje të çmimit të kartonit të gjelbër për motoçikleta dhe të mundësohet regjistrimi i motoçikletave për periudhë më të vogël se një vit. Shpresojmë se institucionet pozitivisht do t'u përgjigjen edhe dy kërkesave tona të tjera", tha Bllagoja Martinovski, iniciator i kërkesës për lejim të importimit të motoçikletave nga SHBA-ja.

Ai vërejti se është jologjike që çmimi i kartonit të gjelbër të jetë 90 euro në vit për motoçikletë të çfarëdo lloj prodhimtarie dhe vëllimit të motorit.

"Regjistrimi në këtë moment është kufizuar në 12 muaj. E dimë se motoçikletat janë automjete sezonale dhe shumë nga pronarët i vozisin vetëm në periudhë të caktuar të vitit. Për këtë arsye kërkojmë mundësi që çdo individ të vendosë se nëse dëshiron ta regjistrojë motoçikletën e tij në tre, gjashtë, nëntë ose 12 muaj", theksoi Martinovski.

Ministri Saraçini tha se do t'i shqyrtojnë edhe dy kërkesat e tjera dhe se do të përgjigjen në pajtim me mundësitë.

"Kjo Qeveri është e njohur për nga ajo që shumë shpesh u përgjigjet kërkesave të bashkësisë afariste dhe të interesuarve të tjerë", theksoi ministri Saraçini.