E martë, 2.09.2014
Impresum - Marketing - Arkiva - Kontakt

Yll Press

Shtet të preferuar? Për ketë pyetje nuk duhet menduar shumë. Jo shtet i preferuar, por shtet pa të cilin nuk mund të imagjinoj veten dhe jetën është Shqipëria. Gjithë jetën vazhdoj të kultivoj të njëjtën ndjenë adhurimi, respekti dhe përulje për shtetin shqiptar.
Misionari...
Një fëmijë që ka shkaur me dhen, një i ri që për çështjen kombëtare ka vuajtur 8 vite burg, një burrë që i është përkushtuar familjes, një orator i klasit, një politikan ndryshe që për popullin është i kapshëm 24 orë - një deputet me plot kuptimin e fjalës, një lexues i pasionuar...Ky është Xhevat Ademi, që YllPress.com ju sjell ekskluzivisht në një intervistë për jetën e tij private.

YllPress:- Si fillon dhe mbaron një ditë e zakonshme për ju?

Xhevat Ademi: - Janë ca gjëra që njeriu i bënë gati instinktivisht. Unë çdo ditë e filloj me gjimnastikën e mëngjesit dhe mund të them se është mënyra më e mirë, më e shëndetshme dhe më dobiprurëse për shëndetin fizik dhe mental. Zatën, kjo ka bërë që t'i përballoj më me lehtësi detyrimet, ballafaqimet dhe sfidat që jeta dhe përditshmëria jonë herë-herë di të përgatis si pa prit e pa kujtuar. Natyrisht nuk mund ta imagjinoj fillimin e ditës pa shfletimin e shtypit ditor. Epoka e internetit e ka bërë që akoma pa dalë nga shtëpia në e-mailin tim ti kemë të gjitha lajmet, të gjitha shkrimet, ngjarjet, paralajmërimet akoma pa parë dritën ato. Me kënaqësi të veçantë, çdo fillimdite e kryej një ritual dhe ai është përgaditja e djalit tim Artinit për në shkollë. Është punë që e bëj me kënaqësinë më të veçantë. Para se të dal nga shtëpia, e bëj telefonatën e përditshme me nënën time dhe e pyes atë për shëndetin e babait tim, të cilëve fatkeqësisht nuk mund t'ua kushtoj gjithë kujdesin e duhur dhe të merituar; por ky është çmimi i përgjegjësive, i angazhimeve dhe jetës publike. Pas gjithë aktivitete brenda ditës, 24 orëshin e mbyll me kontrollimin e detyrave të djalit tim që shkon në klasën e katër fillore.
Xhevat Ademi

YllPress:- Çfarë është familja për ju?

Xhevat Ademi: - Në këtë kohë të krizës së sistemit të vlerave, në këtë përçudnim të standardeve dhe vërshimit të antivlerës e pseudovlerës, fatmirësisht, familja ka mbet dhe akoma vazhdon të jetë limani i vetëm, streha e sigurt e lumturisë, harmonisë dhe baraspeshës emocionale. Mund të tingëllojë paksa tradicionale por e them me gojën plot se familja për mua është burimi prej ku unë marr mbështetjen, përkrahjen, gjej frymëzimin dhe ndihem i plotësuar. Përderisa jeta të sfidon dhe të godet herë-herë edhe në mënyrë të pamëshirshme, është familja ajo që e zbut, i amortizon pasojat që detyrimisht mbeten në mendjen, dijen, ndërdijen dhe në shpirt. Dua të veçoj në këtë rast përkushtimin tim krejt ndryshe ndaj prindërve të mi edhe për faktin se në një periudhë nga e kaluara ime ata kanë paguar çmim më të shtrenjt dhe më të rëndë se sa kam paguar unë personalisht... Nëse unë 8 vite të rinisë sime i kam kaluar në burg, edhe prapa atyre mureve të larta shpirtin e kam patur të lirë, por ama prindërit e mi, “atë” burgun tim e kanë përjetuar më rëndë, e kanë ndier në mënyrën më të vështirë dhe të pa përshkueshme. Mund ta imagjinosh dot faktin se si 8 vite me radhe, babai im çdo muaj ka bërë rrugë e cila i ka zgjat nga 3 ditë: Tetovë - Pozharevc – Tetovë dhe as atëherë nuk ka mundur të përshëndetet me të birin se ka patur grila në mes. Përjashto këtu koston e kësaj sakrifice, pra çmimin e çdo vizite gjatë atyre viteve. Vuajtja shpirtërore, plaga për atë ka qenë vazhdimisht e hapur dhe dhimbja e prindërit ka qenë pafundësisht shumë më e madhe, më e rëndë dhe shumë më e thellë se vetë "vuajtja" ime. Prandaj, unë këtë fakt gjithmonë e kamë në mendje, vazhdimisht e rifreskoj dhe nuk e lë ta mbuloj pluhuri i harresës.

YllPress:- Çfarë kujtoni nga fëmijëria?

Xhevat Ademi: - Si çdokush tjetër nga brezi im, gjenerata ime edhe unë kam patur fëmijëri të vështirë. Duke qenë djalë fshati, bir i një familjeje që bukën e gojës e fitonte me djersën e ballit duke punuar tokën, unë që në moshë të re, 6-7 vjeç kam shkuar me dhen, kam qenë çoban dhe krahas ndoshta efektit ekzotik që mund të ketë në çast, unë mbaj mend sesi shpeshëherë gjithë ditën kam qëndruar në shi i lagur deri në palc. Mbaj mend se si me borën deri në mes, duhej të nxjerr kopenë e dhenve nga shtëpia. Natyrisht, jeta në fshat dhe fëmijëria bashkë me të e ka bukurinë e saj.
Xhevat Ademi

YllPress:- Cili është hobi juaj?

Xhevat Ademi: - Thonë se hobi është aktivitet, përkushtim dhe angazhim që të ndjek gjithë jetën por që nuk të hynë në punë. Mbase është kështu, por me mua ndodh ndryshe. Mua gjatë gjithë jetës më kanë ndjekur dy hobi. Leximi dhe sporti. Edhe prej njërës edhe prej tjetrës kam patur dhe vazhdoj të kem leverdi. Nga e para kam ruajtur freskinë e shpirtit dhe të mendjes, nga e dyta freskinë e shpirtit dhe të trupit. Biblioteka ime, pas familjes, është pasuria ime më e madhe. Shpesh herë për ketë kam patur probleme në shtëpi sepse edhe qindarkën e fundit e kam harxhuar për libra, mirëpo unë me këtë mburrem.

YllPress:- Keni ndonjë vend apo ndonjë shtetet të preferuar?

Xhevat Ademi: - Shtet të preferuar? Për ketë pyetje nuk duhet menduar shumë. Jo shtet i preferuar, por shtet pa të cilin nuk mund të imagjinoj veten dhe jetën është Shqipëria. Gjithë jetën vazhdoj të kultivoj të njëjtën ndjenë adhurimi, respekti dhe përulje për shtetin shqiptar.

YllPress:- Çfarë ju bën të lumtur dhe çfarë ju bën të pikëlluar?

Xhevat Ademi: - Njerëzit që më njohin mua, miqtë dhe bashkëpunëtorët e mi e dinë përkushtimin tim ndaj shokëve. Jo një herë kanë qenë dëshmitar të gëzimit tim, të sjelljes sime plotë hare për çdo sukses, për çdo të arritur të shokëve të mi, të miqve, bashkëpunëtorëve, të njohurve dhe vërtet kjo është diçka që më bën të lumtur në mënyrën më të veçantë dhe më të plotë. Poashtu me trishton, më pikëllon dhe më vret shpirtin pabesia, babëzia dhe pangopshmëria e njerëzve, qoftë ajo edhe e ndonjë "shoku" jeshil i cili aksidentalisht mund të jetë kontrabanduar në rrethin e miqve të mi.
Xhevat Ademi

YllPress:- Si e kaloni një fundjavë?

Xhevat Ademi: - Nëse gjithë java e punës më kalon kryesisht me angazhimet e mia në Parlament dhe në familje, pa përjashtim, në çdo kohë dhe në çdo periudhe të viti, fundjavat i kaloj në kontakte më qytetarë dhe me aktivitet partiake. Në fakt, ky është edhe çmimi më i lartë që vazhdoj të paguaj sa i përket përkushtimit tim ndaj familjes dhe shpesh është burim debatesh dhe polemikash në shtëpinë time që së paku fundjavat t'i kaloj me ta. Unë jam i vetëdijshëm për këtë sakrificë, por me kryeneçësi vazhdoj të bëj të njëjtën gjë, jo vetëm për faktin se ndjej obligim moral për ta arsyetuar besimin dhe përkrahjen që kam nga votuesit e mi, por edhe për realitetin tonë se qytetarët kanë halle, njerëzit kanë nevoja dhe se jo çdo problem ka zgjidhje, por e pakta që duhet bërë për hallexhiun është ta takosh atë dhe ta dëgjosh. Unë ketë e bëjë me çdo njeri dhe me gjithë mirëkuptimin që kam për familjen time pse nuk mund të ri me ta, unë edhe më tutje do të vazhdoj të jem i hapur, i kapshëm dhe disponueshëm për çdokënd që ka nevojë për ndihmën time, për mendimin tim dhe përkrahjen time. Kjo më bën të ndihem i plotësuar, sepse ky është misioni im në jetë. Nuk e di a do të gjindet një njeri i vetëm i cili ka dashur të më kontaktoj, të më takoj, të më dëgjoj dhe nuk ia ka arritur kësaj.

YllPress:- Cili është ushqimi juaj i preferuar?

Xhevat Ademi: - Sa i përket ushqimit jam tradicional. Shumicën e rasteve ha në shtëpi. Nuk jam njeri i kërkesave të veçanta, por parapëlqej të ha shpesh, pak dhe mirë.
Xhevat Ademi

YllPress:- Çfarë muzike dëgjoni dhe cilat lloj filmash ju pëlqejnë?

Xhevat Ademi: - Vdes pas muzikës së lehtë popullore shqipe. Në shtëpi në kompjuterin tim, në telefon, në zyrë, në vetur...gjtihkund më rrethon dhe ambientin tim e mbush tingulli i muzikës së lehtë shqiptare. Sa u përket filmave, nuk jam konsumator i veçantë filmash, por nëse do të duhej të bej përzgjedhje atëherë pa hamendje do të isha përcaktuar për filmat histoik. Troja, Aleksandri i Madh, Patrioti, Samurai i fundit... janë filma që me kënaqësi i rishikoj.

YllPress:- Ndonjë mesazh për lexuesit e YllPress.com?

Xhevat Ademi: - Uroj që si YllPress.com ashtu edhe lexuesit e këtij portali të kënë një yll në jetë i cili ju prin dhe ata e ndjekin. Lufta, përkushtimi dhe angazhimi për të drejtën dhe të vërtetën le të jetë ajo. YllPress-it i uroj lexueshmëri sa më të madhe dhe jetëgjatësi në fushën e informacionit, suksese e mbarësi në 2012-ën, ndërsa lexuesve shëndet, harmoni familjare dhe suksese në jetë. Që të ndodhë kjo, duhet të bëjnë tri gjëra; të jenë tolerant, të kenë mirëkuptim dhe të dijnë të falin.

Publikuar: 31.12.2011 | 16:45
Lexuar: 9751 herė
Printo PDF format Shto nė,..

Komentet
Toni (31/12/2011 22:54:35) Bravo xhaxhi,
te njoh personalisht dhe kjo qe ke thone asht vetem nji pjese e vogel e vepres tende tmadhe.
vetem kush ta ka inatin se je ma i miri, ma i drejti dhe ma i mencmi.
Ku ti kishim edhe ndonji si ti, athere punet do ishin shume ma mire.
te uroj shendet dhe Zoti i vraft kit ata qe mund tfolin keq per ty.
Vetem perpara.
Krenohem qe tkam votu.
Agimi, tetove (31/12/2011 23:07:59) Jam ne prej atyre qe Xhaxhi me ka ndihmuar, a si une jane plot dhe nuk di keti njeriu si ti dal pi hakut. z. deputet te uroj shendet dhe suksese.
Intervista eshte ashtu si e kam prit prej teje dhe si duhet te jete nje politikan. e sinqert, e hapet dhe pa zbukurime. ralle e gjen nje VIP sot qe e pranon se asht gjal katundi dhe se ka shku me dhen,
xhaxhi e thote kete me mburje dhe kjo e dallon ate pi politaknve tjer.
urim ma te mire se kjo intervist per vitin e ri nuk kam marre asnjehere.
Te lumte z. deputet.
kumanova (01/01/2012 22:44:59) Hallal per guxim dhe sinqeritetin
Petrit Guri (02/01/2012 02:03:55) Xhaxh, vertete eshte kenaqesi njeriu te thote se te njeh personalisht. Jam edhe une prej atyre fatlumeve. Pac jete te gjate dhe shendet, jo aq per veten tende, por sepse i nevojitesh ketij nenqielli. Suksese.
zejneli (02/01/2012 15:33:17) Ēdo respekt pėr z. Xhevat Ademin, njeriu qė tėrė rininė ia kushtoi kauzės kombėtare.
Vajza (03/01/2012 23:14:31) I madhe je,Te Lumte !
astrit (09/01/2012 16:31:11) Jeni njeriu i sakrificave,i ndenjave, i dijes dhe me ne fund nje komtare i ceshtjes shqiptare.ademi i tetoves i barabarte me ate te kosoves vetem keshtu vazhdoni nuk jeni i tradhtuar snjeher.
Vera (12/02/2012 00:48:18) Ju Pasqyroni nje igure te nje Shqipetari te vertet e besnik.
Kombi DShqipetare ka nevoje per njerez te ndershem e punetore.
Ndjehem krenare kur lexoa - "Jo shtet i preferuar, por shtet pa tė cilin nuk mund tė imagjinoj veten dhe jetėn ėshtė Shqipėria". te njejten gje ndjejme te gjithe ne qe kemi respekt per vendin tone pastaj per veten. Paqa e miresia qendrote tek ju.
luan (15/12/2012 14:59:28) z.jeni numer nij per mendimimi tym por ma larg nuk e dij si keni punet mbrenda veprat e tuha nuk kan te paguhara ne ket jet po zdo sed qe ban per popllin tand per te mir zoti te shperblen me te mira ne jeten tande se e mira nuk ub asnijer e perjet per cdo person qe vepron ne pun te mira respekt personalish tyi xhevat urime dhe sukses sa ma shum
qerim (15/12/2012 16:45:03) ne kete interviste z. Ademi e keni treguar sinqeritetin qe keni gezohem qe kemi nje njeri si ju ne politiken shqiptare ne fyrom ju pershendes
E.Qerimi (15/12/2012 21:28:21) Pershendetje shoku im,ju uroj shendet ju,familjes dhe gjithe shokeve andej,pergezime dhe komplimente per kete interviste permbajtesore...
arton (16/12/2012 15:29:24) xhaxhi i madh je .shume pake jane si ki njeri i madh
besart maliqi (23/12/2012 22:06:21) Sukses dhe vetme para
Armend Kasa (11/01/2013 23:55:34) Xhaxhi,nga zemra dhe shpirti kam vetem gezim saher qe te shof ne media. Ke qene, Je dhe do te mbetesh gjithemone shtylla e kombit. Dhashte Zoti te kesh shendet dhe cdo te mire si ty ashtu edhe gjithe familjes tende. Nuk ka fjalor me fjal te madhe sa duhet te pershkruhesh Ti dhe veprat tuaja. Jemi mirenjohes ndaj krejt veprimtarise tende dhe jemi gjithemone me ty.

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime