Rektori i Universiteti Shtetëror të Tetovës, Agron Reka me rastin e vdekjes të ish presidentit të Republikës së Maqedonisë, Kiro Gligorov, në emër të Universitetit Shtetëror të Tetovës dhe në emrin e tij personal sot i dërgoi telegram ngushëllimi familjes së tij.

"Me keqardhje e pranuam lajmin për ndarjen nga jeta të ish-presidentit të Republikës së Maqedonisë, Kiro Gligorov, thuhet në telegramin.

Më lejoni që, në emër të Universitetit Shtetëror të Tetovës dhe në emrin tim të Ju shpreh ngushëllimet më të sinqerta për ndarjen nga jeta të ish presidentit të Republikës së Maqedonisë, Kiro Gligorov.

"Ish presidenti Gligorov do të kujtohet për kontributin e tij në konsolidimin dhe zhvillimin e Republikës së Maqedonisë, si dhe për përpjekjet e vazhdueshme në të mirë të shtetit.

Veprimtaria politike, angazhimi dhe përkushtimi i tij për pavarësimin e Republikës së Maqedonisë nga ish-Jugosllavia e bëjnë të paharrueshëm kujtimin për këtë personalitetet të rëndësishëm.

Andaj, Ju lutemi, pranoni ngushëllimet e mia në këto ditë të vështira për Ju dhe mbarë shoqërinë e vendit tonë", thuhet në telegramin ngushëllimin e rektorit të USHT-së.