Manchester City ka regjistruar fitore prej 3-0 në takimin kryesor të kësaj xhiroje në Premier Ligën, që u zhvillua të martën mbrëma në Etihad Stadium.

Kun Aguero e la të pashpresë portierin Pepe Reina pasi pranoi një top nga David Silva, për t`i kaluar vendasit në epërsi (11’).

Pas një goditjeje nga këndi, Yaya Toure e dyfishoi epërsinë duke shënuar me kokë (33’). Ndërsa me rezultat prej 2-0 në favor të vendasve, skuadrat shkuan në pushim.

Nga minuta e 73-të, City luajti me një lojtar më pak në fushë, pasi Gareth Barry u përjashtua me kartonin e dytë të verdhë. Por kjo ku nuk u pengoi "pasanikëve" që të shënojnë sërish.

Një ndërhyrje të Skertel në Yaya Toure, arbitri e ndëshkoi me penalti, të cilën James Milner e konvertoi në gol (75’).

Pas kësaj fitoreje, Manchester City ka diferencë prej tre pikësh kundrejt Manchester Unitedit që ndeshjen e xhiros së njëzet e zhvillon të mërkurën kundër Newcastle.