Ministri Memli Krasniqi ka pritur futbollisten e shquar kosovare që mbron ngjyrat e kombëtares gjermane, Fatmire Bajramaj.

Krasniqi theksoi se futbollistja Bajramaj, por edhe sportistë të tjerë kosovarë të dalluar në Evropë, kanë pasqyruar një imazh shumë pozitiv dhe real për njerëzit e Kosovës. Ai tha se MKRS ka mbështetur vazhdimisht ligën e femrave në futboll dhe vazhdimisht po punohet që të ketë përmirësim në këtë drejtim.

Unë besoj, tha Krasniqi, se Bajramaj është një shembull dhe motiv shtesë për të gjitha ato vajza të reja që luajnë futboll në Kosovë. Ndërsa, Bajramaj tha se përcjell zhvillimet në sportin e Kosovës, dhe se është e gatshme që të japë kontributin e saj në afirmim të sportistëve të rinj dhe të talentuar.