Një urë e cila lidh shtetin e Sinaloas dhe atë të Durangos në Meksikë, hyri në librin e rekordeve Guinnes si “ura e ndërtuar në lartësinë më të madhe.

Ura e quajtur Baluarte është ndërtuar në 403 metra lartësi dhe është e gjatë 1.124 metra. Ajo u ndërtua me rastin e 200-vjetorin e pavarësisë së Meksikës nga Spanja.

Vetë presidenti meksikan, Felipe Calderon vizitoi punimet në fazën finale të tyre. Ura shërben për lidhjen e miliona njerëzve në dy shtetet meksikane në një zonë malore.