Shërbimet bullgare të sigurisë paradokohe parandaluan sulm të planifikuar terrorist mbi turistë izraelitë në Sofje, publikoi sajti Aruc Sheva.

Janë zbuluar valixhe të dyshimta me eksploziv në të cilat terroristët kanë planifikuar të shkatërrojnë autobus me izraelitë, të cilët udhëtonin drejt qendrës dimërore në Bullgari.

Shërbimet lokale kryejnë hetim nëse ka lidhje mes përpjekjes për sulm dhe grupit terrorist evropian të udhëhequr nga Hezbollah me seli në Liban.

Kryhet hetim për lidhje të mundshme me përvjetorin nga vrasja në vitin 2008 në Damask të liderit të Hezbollahut, Imad Mugnie, shtohet në raportin e sajtit.

Izraeli druan se terroristët planifikojnë sulme mbi izraelitët në vendet e jashtme që të shënojnë përvjetor nga vrasja e Mugnies, thotë Xheruzalem post. Hezbollah dëshiron të hakmerret për vrasjen dhe në katër vitet e kaluara janë ndërprerë disa komplote mes të cilave edhe sulm mbi Ambasadën izraelite në Azerbajxhan.