Kelly Brook kurrë nuk do të qëndronte në një lidhje të palumtur. Aktorja dhe modelja seksi, e cila momentalisht është në romancë me ragbistin Thom Evans, thotë se nuk sheh ndonjë arsye për të qëndruar me një person për hatrin e diçkaje, dhe më me dëshirë do të rrinte beqare.

“Kam kaluar nëpër disa ndarje të mëdha dhe edhe pse është e vështirë për ta bërë këtë, nuk jam njëra prej atyre që rri në një lidhje për hatër të diçkaje, por gjithmonë ndjek instinktin tim. Nëse nuk je e lumtur në një lidhje dhe mendon se gjërat nuk janë si duhet, atëherë duhet ta kuptosh se nuk duhet të jesh në atë lidhje. Mos jeto me frikën e humbjes së një personi”, është shprehur Brook.

Kelly, e cila në të kaluarën ka qenë në lidhje me yjet si Jason Statham, Billy Zane dhe Danny Cipriani, gjithashtu ka insistuar se nuk e pëlqen të lidhet me persona të famshëm, sepse mendon se egoja e tyre është tepër e madhe.