Zëdhënësi i shërbimit zjarrfikës italian Lluka Kari deklaroi se një çift bashkëshortor mbrëmë vonë është shpëtuar nga brendia e anijes së ngecur "Kosta Konkordia", ndërsa me një person të tretë është lidhur kontakt. Në vijim është shpëtimi i tij.

Deri tani u konfirmua vdekja e tre personave, ndërsa rreth 40 llogariten si të zhdukur.

Kapiteni i anijes luksoze italiane, e cila të premten ngeci në disa qindra metra nga bregu i Italisë perëndimore, Françesko Sketini është arrestuar nga policia, ndërsa Prokuroria italiane filloi hetime me akuzë për moskujdes, shkaktimin e dëmeve dhe vrasje të paparamenduar. Nëse dëshmohet se kapiteni është fajtor, mund të dënohet me dhjetë vite burg.

Kapiteni dhe oficeri i parë Çiro Ambrozio akuzohen për vrasje, shkaktimin e dëmeve dhe braktisjen e anijes.

Ende po hetohen shkaqet për fatkeqësinë e anijes, por supozohet se bëhet fjalë për gabim të njeriut ose për defekt të sistemit elektronik, i cili i jep parametrat e kursit. Kutitë e zeza nga anija janë gjetur dhe u janë dorëzuar organeve gjyqësore.

Udhëtarët e akuzojnë ekuipazhin dhe personelin e anijes, i cili ka qenë i përbërë nga aziatikë, për joprofesionalizëm.