Dje është zhvilluar ceremonia e ndarjes së çmimeve “Golden Globes” në Los Angeles të SHBA-së dhe protagonistët e mbrëmjes ishin aktorët George Clooney dhe Meryl Streep.

George Clonney mori çmimin e aktorit më të mirë të vitit për rolin e tij si bashkëshort dhe prind në filmin “The Descendants”, ndërsa Meryl Streep fitoi “Golden Globe” si aktorja më e mirë për interpretimin e Margaret Thatcher në filmin e dedikuar për kryeministren e vetme femër në historinë e Mbretërisë së Bashkuar.

Ky është çmimi i tetë “Golden Globe” në karrierën e aktores amerikane. Një tjetër çmim i është dhënë Martin Scorsese-s i cili është shpallur regjisori më i mirë për filmin “Hugo Cabret”, ndërsa Morgan Freeman është nderuar me çmimin special Cecil B. De Mille.

Woody Alllen ka fituar çmimin e skenarit më të mirë me filmin “Midnight in Paris” dhe si zakonisht nuk ishte i pranishëm në ceremoni. Për sa i përket filmit më të mirë, çmimi u fitua nga “The Artist”, një film pa zë bardhë e zi me skenar dhe regji të Michel Hazanavic.