Katër të hospitalizuar me simptoma të gripit

Rezultatet më të reja nga laboratoria e Institutit për shëndetësi publike konfirmuan prezencën e tipit të ri të virusit A/H1N1 tek edhe një rast, i cili para disa ditësh është kthyer nga pushimet në Greqi. Personi është hospitalizuar dhe ndodhet në gjendje të mirë shëndetësore.

Në klinikën për sëmundje infektive në Shkup, gjatë kohës së fundjavës, janë hospitalizuar katër raste të reja, të dyshimta për influencën A/H1N1, ndërsa dy pacientë janë kontrolluar në ambulancë, u janë marrë analizat dhe për shkak incizimit të lehtë klinik janë lëshuar në shërim shtëpiak, nën mbikqyrjen e infektologut dhe epidemiologut.

Të gjithë pacientët e rinj kanë qenë në udhëtime jashtë vendit edhe atë në Mal të Zi, Greqi, Zvicër dhe Kinë. Gjendja e tyre shëndetësore është stabile dhe tregon përmirësim progresiv.

Për momentin në klinikë janë hospitalizuar gjithsej 11 të sëmurë dhe të gjithë janë me fotgrafim të mirë klinik. Deri më tani në Klinikën për sëmundje infektive në spital janë shëruar gjithsej 52 pacientë, prej të cilëve tek 14 është konfirmuar virusi i A/H1N1, thuhet në kumtesën e Ministrisë së Shëndetësisë.