Të premten në Londër ishte mjaft nxehtë, sepse Katie Price ka pozuar përkrah 19-vjeçares Amy Willerton, fituesen e shout ‘reality’ në të cilin modelja kërkonte një vajzë që i ngjante asaj. Amy ka ngadhënjyer në shoun 'Signed By Katie Price', dhe njëri nga çmimet për fituesen, ishte se Katie do ta merrte nën përkujdesjen e saj dhe do të bëhej mbrojtësja e saj.

Dhe ajo me këtë paraqitje përkrah Amy-t ka treguar se e mban fjalën dhe siç ka thënë para gazetarëve, ajo për Amy-n ka plane të mëdha dhe ato do të nisen për javën e modës në Paris. “Kemi shumëçka në plan, por ata që mendojnë se vetëm do ta kopjojnë Katie-n, i pret një befasi e madhe, sepse nuk do të jetë ashtu”, ka deklaruar Amy e cila për nga pamja, është gati në tërësi e ngjashme me Katien, duke përfshirë edhe gjinjtë e bujshëm.