Një javë më parë Forumi Rinor Socialist organizoi një aktivitet “madhështor” për 20 vjetorin e themelimit. Festimet e këtij përvjetori erdhën këtë vit me një skenografi të re, të ideuar nga kërkuar me ngulm nga insistuesi i përhershëm, Erion Veliaj, sekretari për rininë në PS.

Logoja e këtij aktiviteti të zhvilluar pak ditë më parë në Pallatin e Kongreseve, ishte Re-FRESSH, që sipas Veliajt ishte “Një re:fressh, një rifreskim i të gjitha ideve tona dhe që vjen si një zgjidhje për Shqipërinë”, tha Veliaj. Por nxjerrja në tregun politik të këtij slogani, ngjalli kureshtjen e shumë të rinjve, të cilët duke kërkuar në internet zbuluan se Re-FRESSH është emri i një reviste homoseksualësh në Britaninë e Madhe.

Në blogjet e internetit shkruhet: Menjëherë pas aktivitetit madhështor të forumit socialist rinor, FRESSH, kërkuam në Google fotografi nga 20 vjetori i themelimit. Shkruam fjalën kyçe “re:fresh slogan që e përdorën socialistët gjatë aktivitetit dhe u habitëm. Në vend që të dilnin të rinjtë e të rejat socialistë, shfaqeshin një pas një burra të zhveshur, joshës, gay. Refresh është titulli i një revistë për homoseksualë në Britaninë e Madhe ndaj me të kërkuar me këtë fjalë kyçe dilnin kopertinat e revistës. Më pas e zgjidhëm ndryshe. Shkruajtëm vetëm FRESSH dhe gjetëm atë që donim”.

Siç shihet, kjo revistë është një tribunë e personave me prirje të theksuara homoseksuale, të cilët i shohin faqet e saj si mediumin për të kënaqur dhe reklamuar shijet e tyre.

Ndërsa përdoruesit e blogjeve shqiptare mendojnë se Veliaj mund të jetë frymëzuar për logon e forumit socialist, pikërisht nga kjo revistë, nuk dihet nëse kjo është një rastësi apo Veliaj është lexues i rregullt i kësaj reviste.

Sidoqoftë, edhe një herë tjetër, pas kartolinës ku shfaqej një femër nudo, Rama ka gjetur togfjalëshin për t’iu dhuruar shqiptarëve edhe meshkuj nudo.(gazeta 55)