Territori i komunës së Osllomejit po përballet me mungesë të ujit të pijshëm, ndërsa ky problem është i pashfaqur në pjesën veriore të komunës, ose vendet e banuara të cilat janë kyçur në ujësjellësin rajonal "Studençicë".

Sipas u.d. drejtori i N.P. "Higjiena" Isa Neziri problemet me furnizimin e ujit janë për shkak të zvogëlimit të shpenzimit të burimit në Studençicë.

"Kemi probleme të mëdha me furnizimin e ujit, sepse është zvogëluar shpenzimi i burimit në Studençicë. Mungojnë së paku edhe 15 litra në sekondë. Për shkak të kësaj jemi të detyruar që të kryejmë restrikcione madje nga 9 orë në ditë, që paraqitën probleme të mëdha për qytetarët tanë", tha Neziri.

Konsumimi i ujit është rritur për shkak të asaj se qytetarët për shkak të temperaturave të ulëta i lëshojnë musllukët e çezmave dhe uji rrjedh në mënyrë të pakontrolluar.