Një kometë apo ndoshta asteroid është përplasur me planetin Jupiter të sistemit tonë diellor. Gjithçka është xhiruar thuajse direkt nga një programues informatik australian 44-vjeçar, Antony Wesley, i cili zbuloi zhvillimin hapësinor ndërsa vëzhgonte qiellin nga shtëpia.

Laboratori i NASA-s konfirmoi ngjarjen duke përdorur një teleskop të fuqishëm me rreze infra të kuqe në Havai. Vetë Wesley tregoi se iu deshën rreth 30 minuta për të kuptuar se njolla e zezë që rrotullohej pranë Jupiterit më 19 korrik ishte faktikisht impakti i parë në kohë i vëzhguar prej astronomëve ndër vite.

"Mendova se bëhej fjalë për një stuhi normale polare, por më pas kuptova se njolla e errët ishte e tillë në të gjitha kanalet", tha Wesley në faqen e tij në web.