Rafael Nadal rikthehet te suksesi ndaj rivalit të përjetshëm, Roger Federer, duke i dhënë një “shuplakë” të vërtetë në gjysmëfinalen e Australian Open, ku zviceriani nuk kishte humbur asnjë set deri në përballjen me spanjollin.

Nadal humbi setin e parë 6-7 por kjo nuk e demoralizoi sepse loja foli për të gjatë minutave në vazhdim. Setin e dytë e dominoi 6-2, ndërsa i treti u nda me tie-break 7-6 për numrin 2 të botës.

Në setin final, Rafa Nadal përfitoi duke fituar një game me topat e kundërshtarit, duke e mbyllur 6-4 dhe gjithë takimin 3-1, çka i siguroi edhe finalen e turneut të parë të madh të sezonit, Australian Open. /bota sot/