Reprezentacioni i Maqedonisë në hendboll e fitoi vendin e pestë në Kampionatin evropian në Serbi dhe me këtë siguroi pjesëmarrje në kualifikimet për Lojërat olimpike në Londër.

Pasdite në Beograd në ndeshjen për vendin e 5-të, Maqedonia e fitoi Slloveninë me 28:27.

Kapiteni i ekipit Kire Llazarov me tetë gola të shënuar u bë lojtari më efikas në historinë e eurokampionatëve. Ai me gjithsej 61 gola i kaloi Olafur Stefanson (Islandë) dhe Stefan Lobgren (Suedi), të cilët kanë nga 57 gola në një Kampionat evropian.

Kundërshtarët në kualifikimet olimpike do të dihen pas përfundimit të KE, varësisht nga ajo se kush do të jetë kampioni kontinental.

Në sallën "Arena e Beogradit" sot do të luhen edhe dy ndeshjet e gjysmëfinales. Nga ora 17 e 45 minuta do të luajnë Spanja - Danimarka dhe nga ora 20 e 15 minuta Serbia - Kroacia.