Me iniciativë të zëvendëskryeministrit të Maqedonisë Musa Xhferi, kryetarët e bashkive dhe komunave shqiptare në Maqedoni, Shqipëri, Kosovë dhe Mal të Zi do të mbajnë një kongres mbarëkombëtarë në të cilën do të diskutojnë për të gjitha çështjet dhe mundësitë e bashkëpunimit ndërmjet bashkive dhe komunave që udhëhiqen nga shqiptarët në të katër shtetet.

Iniciativa është ngritur nga zëvendëskryeministri i Maqedonisë Musa Xhaferi gjatë takimit të fundit të realizuar në Shkup me kryebashkiakun e Tiranës Lulzim Bashën.

“Kryetari i bashkisë së Tiranës Lulzim Basha, pranoi iniciativën e zv. kryetarit të qeverisë së Maqedonisë z. Musa Xhaferi gjatë takimit të tyre në Shkup me 17 janar 2012, për mbajtjen e një kongresi mbarëkombëtar të të gjitha komunave (njësive të vetëqeverisjes lokale) të cilat udhëhiqen nga kryetar shqiptar, ne Shqipëri, Kosovë, Maqedoni, Mal të Zi, Serbi”,thuhet në kumtesën e Sekretariatit për implementimin e Marrëveshjes së Ohrit.

Iniciativës për një kongres mbarëkombëtar i është bashkangjitur edhe kryetari i komunës së Tetovës Sadi Bexheti pas takimit me kryetarin e bashkisë së Tiranës Lulzim Basha.