Gjermania kërkon që Greqia të heq dorë nga sovraniteti në fushën e politikës tatimore dhe ajo të ndërmerret nga eurokomisioneri para se të miratohet plani i dytë për shpëtim financiar të vendit, publikoi gazeta "Fajneshël tajms".

Sipas gazetës, Berlini propozon që eurokomisioneri i emëruar nga ministrat e Financave nga vendet-anëtare të eurozonës të ketë autorizim të vendosë veto në zgjidhjet buxhetore të qeverisë greke.

Momentalisht në Athinë zhvillohen bisedimet për borxhin grek mes qeverisë së vendit dhe kreditorëve privatë, ndërsa të hënën liderët e BE-së do të takohen në Bruksel për pranimin e marrëveshjes së re buxhetore evropiane.

"Konsolidimi i buxhetit duhet të shoqërohet nga menaxhimi i ashpër dhe sistemi për kontroll", thuhet në propozimin gjerman të cituar nga "Fajnenshël tajms".

Ky propozim është dërguar mbrëmë nga Berlini deri te të gjitha vendet tjera të eurozonës.

Duke pasur parasysh plotësimin e deritanishëm zhgënjyes të kushteve nga programet financiare, Greqia duhet të pranojë bartje të sovranitetin buxhetor në nivel evropian në periudhë të caktuar konsideron qeveria gjermane.