Gaboni është kualifikuar për në cerekfinalet e Kupës së Kombeve të Afrikës, pasi mundi Marokun 3-2 në takimin e dytë të grupit C. Një sukses që gjithashtu i lejon kalimin në fazën tjetër edhe Tunizisë që mundi 2-1 Nigerin.
Me 6 pikë, Gaboni dhe Tunizia nuk mund të arrihen më nga Maroku dhe Nigeri, të dyja me nga 0 pikë dhe me vetëm një takim të mbetur për të luajtur.
Tunizia arriti të zgjidhë takimin jo me pak vështirësi. Fillimisht shënoi me anë të Yousef Msakni në minutën e 4, rezultat që u barazua vetëm tre minuta më pas nga Ngonou.
Golin deciziv do ta shënonte Jema vetëm një minutë para përfundimit të kohës së rregullt.
