Liverpool ka bërë ofertë sensacionale për shkëmbimin e Andy Carrollit me Carlos Tevezin, por ajo u refuzua nga Manchester City.

E përditshmja angleze The Guardian ka njoftuar se klubi nga Anfield Road kontaktoi homologët e tyre nga Itihad duke u propozuar shkëmbimin e Carrollit me Tevezin mirëpo City refuzoi një ofertë të tillë.

Tevez është zyrtarisht në shitje kurse Carroll ka dështuar plotësisht pas transferimit të tij në Liverpool gati një vit më parë. Ai ka realizuar vetëm gjashtë gola në 35 paraqitje.