Ministrja e Kulturës Elizabeta Kançeska-Milevska mbrëmë në hotelin "Radika" në Mavrovë pati takim me princin Majkëll nga Kenti.

Në takim, në të cilin morën pjesë edhe ambasadori i Mbretërisë së Bashkuar të Britanisë së Madhe dhe të Irlandës Veriore në Republikën e Maqedonisë, Kristofer Ivon, anëtarë të biznes delegacionit britanik, përfaqësues të Agjencisë për mbështetje dhe promovim të turizmit të Republikës së Maqedonisë, Kançeska-Milevska theksoi se kjo vizitë është nga rëndësia e madhe e lidhjeve kulturore midis dy vendeve, kumtoi Ministria e kulturës.

U bë fjalë për mundësitë për përparimin e turizmit kulturor dhe promovim të Republikës së Maqedonisë si vend me trashëgimi të pasur kulturore dhe natyrore, por edhe për promovimin më të madh të kulturës së Maqedonisë para opinionit britanik.

Kançeska-Milevska e informoi princin Majkëll edhe se në olimpiadën kulturore në Londër, e cila do të ndodh si pritje e Lojërave verore olimpike, kultura e Maqedonisë do të prezantohet përmes disa përmbajtjeve interesante.