Ministrat e mbrojtjes së vendeve-anëtare të NATO-s në takimin dyditor, i cili filloi sot do t'i shqyrtojnë ndryshimet e mundshme të strategjisë së Aleancës në Afganistan, pasi SHBA-ja dhe Franca bënë thirrje për përshpejtimin e procesit të transferimit të kompetencave për sigurinë e forcave afgane të sigurisë.

Ministri i Mbrojtjes së SHBA-së, Lion Paneta dhe presidenti francez Nikolla Sarkozi propozuan që NATO-ja ta ndërpresë rolin e saj ushtarak në Afganistan në vitin 2013, një vit më herët se planet, të dhëna në samitin e fundit të Aleancës në Lisbonë.

Takimi ministror filloi një ditë pas publikimit në media të raportit sekret të NATO-s, në të cilin ndër të tjerash theksohen se aktivitetet e kryengritësve talebanë akoma janë në nivel të lartë, pas më shumë se dhjetë viteve luftë dhe se talebanët janë të bindur se do t'i fitojnë forcat ndërkombëtare.

Ministrat e Mbrojtjes do të bisedojnë edhe për përgatitjet e samitit të NATO-s, i cili do të mbahet në maj në Çikago.