Meteorologët evropian parashikojnë se nuk do të ketë së shpejti një zbutje të motit të ftohtë që ka prekur Evropën Qendrore dhe Lindore. Temperaturat nën zero, që në disa vende kanë shkuar deri në minus 32 gradë Celsius, kanë shkaktuar vdekjen e të paktën 123 personave gjatë kësaj jave.

Sipas meteorologëve të ftohtit pritet të vazhdojë edhe për disa ditë në mbarë Evropën.

Zyrtarët në Ukrainë njoftuan dje për 38 vdekje të reja, duke e çuar në 101 vetë numrin e të vdekurve nga i ftohti në vend.