Një nga supermodelet më të paguara në botë, bukuroshja braziliane Adriana Lima, zbuloi për mediat amerikane se si bashkëshorti i saj, basketbollisti Marko Jariç, e ka bërë për vete. Duket se nuk ishte aq vështirë dhe e paimagjinueshme, pasi që Adriana i do trëndafilat.

"Unë kurrë nuk do ta harroj takimin tonë të parë," e pranoi bukuroshja Lima. "Unë kam ardhur në shtëpi pastaj dhe atje më priste një befasi. Shtëpia ime fund e krye ishte e mbushur me trëndafila të bukur të kuq. Kurrë nuk kam marrë nga dikush aq shumë trëndafila. Kështu më bëri për vete," ka rikujtuar Adriana, duke folur në reklamën 30- sekondëshe që e kishte filmuar për një markë makinash, e cila do të shfaqet në periudhën më të shtrenjtë të reklamave televizive, gjegjësisht pas përfundimit të pjesës së parë të ndeshjes së SuperBowl të SHBA-së. Reklama flet pikërisht për mënyrën se si reagon çdo femër kur i dhurohen lule.

Lima tha se po i gëzohet shumë Shën Valentinit të këtij viti, "Mark dhe unë u martuam në ditën e Shën Valentinit tre vjet më parë, kështu që kjo është një datë e veçantë për ne. Ne ndoshta do të shkojmë në një darkë, dhe veçanërisht kënaqem me dhurata. Jam kurioze se me çfarë do të më befasoj këtë vit."