Emri i Lionel Messit do të dëgjohet edhe nëpër bare dhe restorante, ngjashëm sikurse në Camp Nou, pasi një kompani argjentinase e verës ka treguar planet për nxjerrjen në treg të një vere të re me emrin e futbollistit të Barcelonës.

“Bodega Valentin Bianchi”, me bazë në Mendoza të Argjentinës (vend i njohur për verë kualitative), ka njoftuar se njërit nga produktet e veta do t’ia vë emrin e Messit.

Vera pritet të quhet ‘Leo’, ndërsa thuhet se kompania ka marrë pëlqimin e futbollistit, duke qenë se përfitimet do të shfrytëzohen për qëllime humanitare në bashkëpunim me Fondacionin “Leo Messi”