Ndodhet në një prej vendeve më të izoluar në botë, në një majë mali vullkanik në Burma, por tempulli i “Taung Kalat” është “Meka” e të gjithë besimtarëve budistë.

I ndërtuar në një shpat mali, që del mbi 1 200 metra lartësi, për të shkuar në tempull duhet të ngjisësh më shumë se 777 shkallë dhe e gjithë kjo pas një rruge të lodhshme në këmbë prej disa orësh.

Megjithatë, pamja që mund të shikosh nga tempulli ia vlen të gjithë mundimet.

Një fotograf spanjoll mori një nismë vetjake, duke e fotografuar tempullin nga një deltaplan dhe nga ambientet e tij të brendshme, për të përcjellë në këtë mënyrë mrekullitë e një prej zonave dhe ndërtesave më pak të njohura në botë.