Amullia ne tregjet financiare nderkombetare e ka vene ne vigjilence Banken e Shqiperise. Mbledhjet e Keshillit te Mbikeqyrjes se BSH-se, nga dy here ne muaj qe beheshin me pare, tani po zhvillohen per cdo jave. Burimet zyrtare te BSH lajmeruan nje mbledhje tjeter te mbikeqyrjes me date 7 tetor, nderkohe qe nje e tille u mbajt dy dite me pare. Ne qender te agjendes te mbikeqyrjes bankare kete muaj kane qene stabiliteti ne tregun bankar vendas. Banka qendrore po ndermerr analiza te hollesishme dhe te shpeshta mbi gjendjen financiare te seciles prej bankave duke forcuar ne te njejten kohe edhe rregullat e raportimit dhe te mbikeqyrjes. Ceshtjet qe do te analizohen javen qe vjen nga Keshilli i Mbikeqyrjes se Bankes se Shqiperise jane stabiliteti i sistemit financiar ne gjashtemujorin e pare te vitit 2008, informacion mbi inspektimet e kryera ne bankat e nivelit dyte gjate gjashtemujorit te pare te vitit 2008 dhe ecuria e rezerves valutore dhe te portofoleve te investimeve per muajin gusht te vitit 2008. Ndersa kete jave mbikeqyrja bankare analizoi gjendjen e bilancit te bankave gjate vitit 2007. Ne kete takim ekspertet pohuan se, pergjithesisht investimet e grupeve te njohura financiare dhe bankare te vendeve te zhvilluara ne vendin tone perfaqesojne ende nje vlere te vogel ne krahasim me vleren e pergjithshme te grupit. Ky fakt, si edhe tregu vendas jo shume i zhvilluar kane kufizuar ndikimin e krizes financiare te pakten ne afat te shkurter. Sipas te dhenave te fundit per bankat qe zoterohen nga grupet bankare evropiane, nuk reflektojne humbje financiar apo probleme qe e kane origjinen ne krizen financiare qe po kalojne tregjet e zhvilluara. Situata e mire e likuiditetit te bankave qe operojne ne vendin tone si edhe perdorimi mjaft i kufizuar i financimit nga ana e grupit, jane faktore shtese te cilet pengojne transferimin e elementeve te krizes ne banka dhe ne institucione te tjera financiare te vendit. Megjithate, mundesia e percjelljes se krizes se sektorit financiar ne sektorin real te ekonomive partnere ne tregti, paraqet nje burim rreziku per sektorin bankar shqiptar, ka sqaruar banka qendrore ne analizen e saj te fundit.