Nga 6 deri më 8 gusht 2009 në Kosovë me ftesë të Myftiut të Kosovës, Naim Tërnava për vizitë në vendin tonë do të qëndroj Reisi i Bashkësisë Islame të Bosnjës dhe Hercegovinës, Mustafa ef. Ceriqi me bashkëpunëtorë.

Sipas një njoftimi të BIK-ut Ceriq, në ditën e parë të vizitës së tij në Republikën e Kosovës, do të vizitoj Kryesinë e Bashkësisë Islame të Kosovës(BIK) ku do të pritet nga Myftiu i Kosovës,Naim Tërnava, si dhe më pas do të vizitoj Presidencën e Kosovës, ku do të takohet me Presidentin Fatmir Sejdiu.

Gjatë qëndrimit në Kosovë, ky delegacion do të vizitoj edhe Këshillat e Bashkësisë Islame të Prishtinës dhe Prizrenit si dhe do të vizitojë Tyrben e Sulltan Muratit në Mazgit, Kompleksin Memorial të Jasharajve në Prekazin Legjendar të Drenicës si dhe disa Xhami dhe do t’i takojë disa pjesëtar të komunitetit boshnjak në fshatin Lubinjë.

Kurse më 8 gushat Reisi Mustafa Ceriq, do të marrë pjesë në Forumin e Boshnjakëve të Kosovës.
Hajdin Islami