Pothuajse një vit pasi që sistemi financiar në Britani u gjend para kolapsit, dy nga bankat më të mëdha në vend kumtuan profit gjysmëvjeçar prej disa miliarda dollarëve.

Përfitimi i "Barklis" prej pothuajse pesë miliardëve i referohet "bumit" në investime, lajmëroi BBC.

Shumën e njëjtë e kumtoi edhe "HSBC", por numrat e saj janë më të ulëta për gjysmë, në krahasim me vitin 2008, që është reflektim i problemeve të vazhdueshme me borxhet e plasuara keq.

Sekretari ekonomik në Ministrinë e Financave, Ian Pirson porositi se bankat duhet t'i heqin shpërblimet për drejtorët dhe se bankat duhet t'i shtojnë huatë e pronarëve potencialë të banesave.