E hënë, 24.11.2014
Impresum - Marketing - Arkiva - Kontakt

Yll Press

Pasi që 95 për qind e sëmundjeve kardiovaskulare përbëhen nga arterioskleroza – ngushtimi i enëve të gjakut, i cili ndikon në punën e zemrës, veshkave ose organeve të tjera, në kohën e fundit shërimit të arterosklerozës i qaset në mënyrë gjithnjë më agresive.
Me lėvizje dhe ushqyerje mbrohen enėt e gjakut





Pasi që 95 për qind e sëmundjeve kardiovaskulare përbëhen nga arterioskleroza – ngushtimi i enëve të gjakut, i cili ndikon në punën e zemrës, veshkave ose organeve të tjera, në kohën e fundit shërimit të arterosklerozës i qaset në mënyrë gjithnjë më agresive. Pacientëve u jepen doza më të mëdha të ilaçeve për të reduktuar nivelin e yndyrave në gjak, dhe me këtë të ndalen proceset inflamatore në enët e gjakut dhe të përmirësohet kualiteti i tyre. Kjo qasje agresive reflektohet edhe në intervenimet e ndërtimit të stenteve dhe zgjerimin e enëve të gjakut me ballon, që tani bëhen më shpesh se më parë.

Në mënyrë më agresive do të duhej të punohet edhe në parandalim, ashtu siç bëhet për momentin edhe në botë. Njerëzit duhen të informohen për atë se si t’ia përshtatin tërë stilin e jetesës parandalimit të arterosklerozës dhe komplikimeve të saj.

Më të rëndësishme janë ushqyerja dhe lëvizja. Në përgjithësi nuk mund ta shmangim stresin në punë dhe në jetë, po nëse çdo ditë ose të paktën 5 ditë në javë ecim nga gjysmë ore dhe kemi edhe ushqim të balancuar, i kemi mbrojtur enët tona të gjakut. Në të ngrënë duhet t’i shmangim të gjitha produktet që përmbajnë shumë kolesterinë, si mishi i derrit dhe ushqimet e përgatitura në skarë, ndërsa yndyrat e ngopura të zëvendësohen me të pangopura, siç janë vaji i ullirit dhe lirit. Është dëshmuar që njerëzit të cilët hanë pesë vakte në ditë me pemë dhe perime statistikisht më pak sëmuren nga sëmundjet e zemrës dhe enëve të gjakut sesa ata që pemët dhe perimet i hanë vetëm një herë në ditë, apo nuk i hanë aspak.

Shtesat e ushqimeve

Shtesat e ushqimeve mund të jenë të dobishme kur me vaktet e zakonshme nuk mund të merren të gjithë materiet e nevojshme ushqyese. Në mes materieve ushqyese që mund të merren në formë të shtesave të ushqimit janë acidet yndyrore omega-3.

Për to shumë studime kanë dëshmuar që parandalojnë sëmundjet kardiovaskulare dhe në mënyrë të konsiderueshme mund të ulin nivelin e yndyrave në gjak. Hulumtimi i kryer në 20.000 të sëmurë ka treguar që ata të cilët kanë përjetuar vdekjen klinike shërohen më shpejt nëse marrin acidet yndyrore omega-3. Klinikisht është dëshmuar edhe veprimi i tyre parandalues dhe kurues. Për karotenoidet, siç janë luteina dhe astaksantina është dëshmuar në kafshë dhe grupe më të vogla të njerëzve që po ashtu mund të veprojnë në mënyrë preventive.

Ato janë antioksidantë shumë të fortë – nëse krahasohen me vitaminat të gjithë karatenoidet mesatarisht kanë veprim 50 herë më të fortë antioksidues, ndërsa në mes tyre më e forta është

astaksantina. Si materie e fortë antioksiduese, gjithsesi meriton vendin në parandalimin e arterosklerozës. Koenzimi Q10 ka rol të rëndësishëm në krijimin e energjisë për qelizën dhe dihet që mund të ulë tensionin e gjakut, por kjo ende nuk është dëshmuar me studime klinike. Vitaminat A, C dhe E nuk kanë vetvetiu ndikim të rëndësishëm në parandalimin e sëmundjeve kardiovaskulare, por disa studime kanë treguar që këto vitamina në kombinim me materiet e tjera mund të kenë efekt shumë të fortë.

Publikuar: 03.03.2012 | 10:25
Lexuar: 981 herė
Printo PDF format Shto nė,..

Komentet

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime