E premte, 25.04.2014
Impresum - Marketing - Arkiva - Kontakt

Yll Press
Publicitet

Me ligjin e ri është ndryshuar edhe Rregullorja e re e Parlamentit, me ç`rast kryetarët e komisioneve parlamentare nga radhët e shqiptarëve kanë të drejtën të udhëheqin seancat e komisioneve në gjuhën e tyre amtare. Por, kur kryetarët e Komisioneve që ishin shqiptarë shfrytëzonin të drejtën për ta udhëhequr seancën në shqip, deputetët maqedonas braktisnin seancën.
Pėrralla me gjuhėn













Nga Fami Bajrami

Është riaktualizuar sërish çështja e gjuhës shqipe. Ekspertët dhe opozita shqiptare akuzojnë se ky ligj është i cunguar dhe se nuk kënaq interesat e shqiptarëve. Ideja do të ishte një ligj i ri. Edhe partia shqiptare në pushtet, BDI në disa raste hapur është shprehur se ligji nuk kënaq dhe se ideja do të ishte që përmes amendamenteve pastaj ai të plotësohet. Janë ashiqare defektet e ligjit, duke u nisur nga mospërfshirja e tij në shumë sfera ku zbatimi praktik i dispozitave ligjore shënon ngecje.

Përveç kësaj, në asnjë institucion zyrtar gjuha shqipe nuk është e plotë. Në Parlament, Qeveri, ministri, në Akademinë e Shkencave të Maqedonisë ose në organe tjera, mbishkrimet dhe dokumentet janë në gjuhën maqedonase. Në Parlament shqipja funksionon parcialisht, ku deputeti shqiptar ka të drejtën të pyet ministrin në shqip, ndërsa ai i përgjigjet në maqedonisht. E njëjta gjë vlen edhe në Qeveri, po dhe në disa institucione tjera.

Me ligjin e ri është ndryshuar edhe Rregullorja e re e Parlamentit, me ç`rast kryetarët e komisioneve parlamentare nga radhët e shqiptarëve kanë të drejtën të udhëheqin seancat e komisioneve në gjuhën e tyre amtare. Por, kur kryetarët e Komisioneve që ishin shqiptarë shfrytëzonin të drejtën për ta udhëhequr seancën në shqip, deputetët maqedonas braktisnin seancën.

Madje, nuk është pranuar kërkesa që mbledhjet e Parlamentit të udhëhiqen edhe në gjuhën shqipe, në rast se ato do të drejtohen nga kryetar apo nënkryetar nga radhët e shqiptarëve. Dhe këtu përfundon muhabeti. Ndryshim tjetër këtu nuk ka. Ligji u soll nga koalicioni VMRO-BDI, pa asnjë debat apo pa të drejtë që opozita të thotë fjalën e vet. Por, tani kur shihen mangësitë të gjithë atakojnë pushtetin, derisa nuk duhet amnistuar edhe qeveritë paraprake që se bënë fundja një gjë të tillë.

Implementimi në praktik i Marrëveshjes së Ohrit i mbetet vetëm BDI-së, pasi të tjerat promovuan programe tjera më ndryshe. PDSH-ja tani kërkon marrëveshje të re shqiptaro-maqedonase (kuptohet edhe ligj të ri për shqipen), DR-ja del me një non-paper, Nevzat Halili për Iliridë, Hysni Shaqiri mbron tezën e federalizmit dhe tjera.
Disa kanë qenë edhe nënshkrues të kësaj marrëveshje dhe kur kritikojnë ata bien në kundërshtim me këtë dokument, ndryshe nga programet e tyre të reja.

Fundja, kjo marrëveshje ka vulën e faktorit ndërkombëtarë dhe ajo një ditë duhet të implementohet në tërësi.
Madje, ligji që të mund të vendos shqipen si gjuhë të dytë zyrtare përkon me Kushtetutën, pra me amendamentin 5 ku dëshmohet se gjuhë zyrtare është maqedonishtja, por edhe ajo që e përdorin më së paku 20 për qind e popullatës.

Këtë të gjithë e kemi të qartë, por rëndë ta materializojmë. Lypsen kompromise të reja, por sa do t'ia arrijë kësaj BDI-ja. Tani të shohim se si do rrjedhin punët me ligjin e Parlamentit, ku DR-ja e Imer Selmanit kërkon që me këtë Ligj të rregullohet përdorimi i gjuhës shqipe në Parlament.

BDI-ja është e mendimit se do t'i përkrah propozimet e partisë së Selmanit, ndërkaq PDSH-ja, as që mendon të hyjë në debatin rreth Ligjit për Parlament, pasi kërkon që përdorimi i gjuhës shqipe të rregullohet në nivel shtetëror me ligj të ri. Kjo e fundit, mbetet të shikohet pas 17 gushtit kur në rend dite do të jetë Ligji për Parlamentin e në kuadër të saj edhe ligji për shqipen kur dhe deputetët kthehen nga pushimet.

Publikuar: 06.08.2009 | 06:43
Lexuar: 1954 herė
Printo PDF format Shto nė,..

Komentet
pjeteshega@live.com (07/04/2010 00:10:06) hirushja

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime