Kumbari i fëmijëve të Michael Jackson, nxiti spekulimet se mbreti i popit ndodhsha nuk është baba biologjik i fëmijëve të vetë, saktësisht vajzës Paris.

“Ia dhurova Michael spermën time për të pasur fëmijë. Besoj se Paris është vajza ime”, deklaroi 51-vjeçari, Mark Lester mik shumëvjeçar i këngëtarit.

Lester qysh si fëmijë u bë i famshëm me rolin kryesor në filmin ‘Oliver’ (Oliver Twist) nga viti 1968. mes tjerash deklaroi se është i gatshëm të kryejë ADN testin.

Përndryshe, Mark Lester pagëzoi 11-vjeçaren Paris dhe dy djemtë të Jackson, 12-vjeçarin Prince dhe 7-vjeçarin, Blanket.

“Ky ishte sekret i fshehur gjatë. Në vitin 1996, Michael më pyeti a do t’ia kisha dhuruar spermën dhe i thash që po! Kjo ishte dhurata ime, nuk kam marrë para për këtë, dhe ishte nderë ta bëja. Aq shumë dëshiroja fëmijë”, tha Lester dhe vazhdoi: “Ndjejë lidhshmëri të madhe me Paris dhe mendoj se ekziston mundësia e madhe se ajo është vajza ime. Dua të jem në kontakt me të dhe me dy djemtë. Është e vrazhdë nëse do të jem i ndarë nga ata”.

Lester përndryshe ka katër fëmijë, dhe thotë se ngjashmëria mes të dhe Paris është e madhe.
“Paris është e zbehtë, me sy të bardhë. Ashtu duken vajzat e mia, përveç të madhes. Të gjitha kanë sy të kaltër. Shumë miq tanë komentojnë se Harriete dhe Paris ngjajnë tepër shumë”, përfundoi Lester.